Bugun.tv xəbər verir ki, Böyük Britaniya və Avropanın bir sıra ölkələrində gecə klubları və konsertlərdə “needle spiking” adlanan yeni təhlükəli hadisələr yayılmağa başlayıb. “The Guardian” nəşrinin məlumatına görə, bəzi şəxslər insanların xəbəri olmadan onlara iynə vuraraq müxtəlif maddələr yeridirlər.
Məlumata əsasən, xüsusilə qadınlar və gənclər bu hücumların hədəfinə çevrilir. Zərərçəkənlər qəfil halsızlıq, başgicəllənmə və yaddaş problemləri yaşadıqlarını bildirirlər.
Mütəxəssislər xəbərdarlıq edir ki, bu cür hadisələr həm fiziki, həm də psixoloji travmalara səbəb ola bilər. Polis və təhlükəsizlik orqanları gecə əyləncə məkanlarında nəzarətin gücləndirilməsini tələb edir.
Ekspertlər insanlara izdihamlı məkanlarda diqqətli olmağı, şübhəli hallarda dərhal tibbi yardım və polisə müraciət etməyi tövsiyə edir.
Mənbə: The Guardian