TikTok, tətbiqi qadağan edən qanuna qarşı ABŞ-ı məhkəməyə verəcək. Şirkət hökumətin qəbul etdiyi qərarın 170 milyon amerikalı istifadəçinin ifadə azadlığına müdaxilə olduğunu bildirib.
Keçmiş prezident Donald Trampın dövrü də daxil olmaqla, oxşar qadağa cəhdlərinin məhkəmə tərəfindən rədd edildiyini xatırladan TikTok, ABŞ-ın narahatlığını aradan qaldırmaq üçün indiyədək 2 milyard dollardan çox vəsait xərclədiyini açıqlayıb.
Xatırladaq ki, ABŞ Çinin ByteDance şirkətinə məxsus sosial media platforması olan TikTok-la bağlı qanun layihəsini təsdiqləyib. Proqram Çin şirkəti tərəfindən satılmazsa, ABŞ-da qadağan olunacaq. ByteDance-ə bunun üçün 12 ay vaxt verilib.
Qeyd edək ki, ötən ay Avropa Komissiyasının sədri Ursula von der Leyen də bu şəbəkənin təhlükəli olduğunu və qadağası haqqında düşündüklərini vurğulayıb.
Mənbə: EnSonHaber