Hindistanın Mumbay şəhərində toz fırtınası fəlakət gətirib. Fırtınanın təsirinə məruz qalan reklam lövhəsinin altına düşərək çoxlu sayda insan ölüb və yaralanıb.
Hindistanın NDTV kanalının məlumatına görə, fırtına səbəbindən Mumbayın Ghatkopar rayonunda yanacaqdoldurma məntəqəsinin üzərinə reklam lövhəsi aşıb.
Milli Fəlakətlərə Müdaxilə Qüvvələri (NDRF) dağıntılar altında qaldığı təxmin edilən 20 nəfərin axtarış-xilasetmə işlərinin davam etdiyini açıqlayıb.
Maharaştra əyalətinin baş naziri Eknath Shinde verdiyi açıqlamada hadisədə həlak olanların ailələrinə maddi yardım ediləcəyini açıqlayıb. Hadisə ilə bağlı araşdırmalara başlanılıb.
Həmçinin toz fırtınasının təsiri altında olan Mumbayda uçuşlar dayandırılıb, görmə qabiliyyətinin aşağı olması səbəbindən nəqliyyatın hərəkəti dayandırılıb.
Mənbə: TGRT