ABŞ prezidenti Donald Tramp Truth Social-da verdiyi diqqətəlayiq açıqlamada Çinin əldə etdiyi ticarət razılaşmasına əməl etmədiyini iddia edib.
ABŞ prezidenti Donald Tramp hakimiyyətdə olduğu müddətdə Pekinə tətbiq etdiyi yüksək rüsumların Çin iqtisadiyyatına ciddi təzyiq göstərdiyini müdafiə edərək, “Cəmi iki həftə əvvəl Çin böyük iqtisadi böhranla üz-üzə idi. Tətbiq etdiyim yüksək tariflər onları ABŞ bazarına çıxmaqda demək olar ki, aciz qoydu. Bu bazar dünyanın ən böyük bazarıdır” deyib.
Baş verənlərin bir növ “soyuq ticarət müharibəsi”nə çevrildiyini ifadə edən Tramp, bu proses zamanı Çində bir çox fabrikin bağlandığını və sosial narazılığın ortaya çıxdığını bildirib. Bununla belə, Tramp bu vəziyyəti bəyənmədiyini vurğulayaraq, “Gördüklərim həvəsləndirici deyildi – bizim deyil, onların yaxşılığı üçün” deyib.
Prosesin daha da pisləşməsinin qarşısını almaq üçün çevik addım atdığını izah edən Tramp, “Mən tez bir zamanda ticarət müqaviləsi imzaladım, çünki hadisələrin bu gedişatının Çin üçün çox dağıdıcı ola biləcəyini düşündüm. Beləliklə, sabitlik tez bir zamanda bərpa olundu və Çin öz yoluna qayıtdı. O zaman hamı xoşbəxt idi – bu yaxşı xəbər idi” deyib.
Lakin Trampın sözlərinə görə, bu razılaşma uzun sürmədi. Bəyanatını sərt sözlərlə bitirən Tramp, “Pis xəbər odur ki, Çin təəccüblü bir şəkildə imzaladıqları müqavilənin tələblərinə məhəl qoymadı. Qısacası, “cənab Nitsa” olmanın sonu budur!”
Mənbə: EnSonHaber