ABŞ Prezidenti Donald Tramp bildirib ki, neft şirkətləri Venesueladakı neft infrastrukturunu bərpa edəcək və bu məqsədlə ən azı 100 milyard dollar sərmayə qoyacaq. Onun sözlərinə görə, Venesuelanın sahib olduğu neft ehtiyatları həm keyfiyyət, həm də həcm baxımından olduqca böyükdür.
Tramp Fox News-a müsahibəsində ABŞ-ın mümkün hərbi müdaxiləsindən sonra Venesuela müxalifətinin liderlərindən Maria Korina Maçado ilə gələn həftə görüşməyi planlaşdırdığını deyib.
Venesuelada siyasi vəziyyətə toxunan Tramp ölkədə uzun müddət seçkilərin keçirilmədiyini, lakin sonda seçkilərin baş tutacağını iddia edib.
ABŞ Prezidenti Ağ Evdə neft şirkətlərinin rəhbərləri ilə görüşəcəyini də açıqlayıb.
Tramp Kuba–Venesuela münasibətlərinə dair fikirlərini də bölüşərək, Kubanın maliyyə və enerji baxımından Venesueladan asılı olduğunu və bu ölkəyə təhlükəsizlik təmin etdiyini irəli sürüb.
Mənbə: Trthaber.com