ABŞ prezidenti Donald Tramp Qəzzada bütün əsirlərin “şənbə günü saat 12-yə qədər” azad edilməməsi halında atəşkəsin ləğv edilməsi lazım olduğunu bildirib və “O zaman cəhənnəm dağılar” deyib.
ABŞ prezidenti Donald Tramp məhbus mübadiləsini dayandırdığını elan edən HƏMAS-ı hədələyib.
Oval kabinetdə çıxış edən Tramp işğalçı məhbuslar azad edilməsə, “bütün dünya HƏMAS-ın üzərinə düşəcək” deyə hədələyib.
Tramp həmçinin iddia edib ki, HƏMAS bütün əsirləri azad etməsə, sionist rejim atəşkəsi ləğv etməlidir.
“Biz onların hamısını geri istəyirik. Mən öz adımdan danışıram. İsrail bunu başqa cür edə bilər, mən öz adımdan danışıram, əgər gəlməsələr, şənbə günü saat 12:00-a qədər burada olmasalar, cəhənnəm dağılar”. Tramp bu məsələ ilə bağlı qərarı işğal rejiminin verəcəyini ifadə edib.
HƏMAS-ın hərbi qanadı İzzəddin əl-Qəssam Briqadalarının sözçüsü Əbu Ubeyde fevralın 15-də keçirilməsi gözlənilən əsir mübadiləsinin işğalçıların Qəzzaya dönüşünü gecikdirdiyi, bəzi yerləri bombalamağa davam etdiyi və humanitar yardıma icazə verilmədiyi səbəbiylə dayandırdığını açıqlayıb.
Mənbə: İlkha