Filippində “Trami” tropik qasırğasının səbəb olduğu daşqın və torpaq sürüşmələrində ölənlərin sayı 116-ya yüksəlib.
Milli Fəlakət Riskinin Azaldılması və İdarə Edilməsi Şurasının (NDRRMC) verdiyi açıqlamada fırtınanın yaratdığı sel və torpaq sürüşmələrində can itkisinin 116-ya yüksəldiyi, itkin düşən 39 nəfərin axtarışlarının davam etdiyi bildirilib.
Açıqlamada 17 bölgədə 6,7 milyondan çox insanın fırtınadan zərər çəkdiyi, sel sularının magistral yolları və körpüləri dağıtdığı qeyd edilib.
Bildirilib ki, bir çox rayonlarda içməli su qıtlığı var, elektrik enerjisi də yoxdur.
Mənbə: İLKHA