Bugun.tv xəbər verir ki, Nepalda dağıdıcı daşqın və torpaq sürüşməsindən doqquz gün sonra hidroelektrik stansiyasının tunelində qalan iki işçi sağ xilas edilib.
Reuters-in məlumatına görə, Sanjay Sah və Kabir Maharjan Upper Trishuli 3A hidroelektrik stansiyasına bağlı tuneldən çıxarılıb. Onların avqustun 26-da buzlaqın çökməsi nəticəsində Trishuli çayı vadisini bürüyən buz, qaya, palçıq və su axınının ardından tuneldə qaldığı bildirilir. Sahın xəsarətləri ağır deyil, Maharjanın isə əllərini və ayaqlarını hərəkət etdirə bilmədiyi açıqlanıb. Hər iki işçi xəstəxanaya aparılıb.
Xilasedicilər altı hidroelektrik layihəsinin tunellərində təxminən 900 nəfərin qala biləcəyini ehtimal edirlər. Fəlakət nəticəsində Nepalda 1 200-dən çox insan həlak olub və minlərlə nəfər itkin düşüb.
Reuters-in digər məlumatına görə, daşqının ölkəyə vurduğu maddi zərər təxminən 2,56 milyard dollar qiymətləndirilir. Hakimiyyət təxminən 20 min evin yenidən tikilməsinə ehtiyac olduğunu bildirir.
Mənbə: Reuters