Bugun.tv xəbər verir ki, Nepalda Everest dağı yaxınlığında göyərtəsində 6 nəfərin olduğu helikopter itib.
Səlahiyyətlilər Himalayan Times-a bildiriblər ki, vertolyot yerli vaxtla saat 10:12-də 5 turist və bir pilotu daşıyan radardan itib.
Katmanduda yerləşən özəl şirkət “Manang Air” tərəfindən idarə olunan helikopter Nepalın şərqindəki dağlıq Solukhumbu bölgəsindən turistləri paytaxt Katmanduya aparırmış.
Yerli mətbuatda çıxan ilk məlumatlara görə, helikopterdəkilərin hamısı meksikalıdır.