Bugun.tv xəbər verir ki, Türkiyənin ilk insanlı kosmos missiyası zamanı həyata keçiriləcək layihədə kosmos mühitindəki bitkilərə genetik müdaxilə ediləcək və bu müdaxilənin effektivliyi müşahidə ediləcək.
Cümhuriyyətin 100-cü ildönümündə keçiriləcək kosmos səyahəti zamanı kosmos səyahətçisi universitetlər və elmi-tədqiqat qurumları tərəfindən hazırlanan 13 fərqli təcrübə həyata keçirəcək.
Türkiyə Kosmik Agentliyi (TUA) və TÜBİTAK Kosmos Texnologiyaları Araşdırma İnstitutu tərəfindən müəyyən edilən təcrübələrdən biri də “Mikroçəki altındakı Bitkilərdə CRISPR Gen Redaktə Effektivliyinin Araşdırılması” adlı araşdırma olacaq.
Layihənin məqsədi molekulyar biologiyanın müasir gen redaktə üsullarından biri olan CRISPR texnikasının mikroqravitasiya mühitində bitkilər üzərində effektivliyini araşdırmaq və kosmosda gen transferi və genetik manipulyasiyanın həyata keçirilə biləcəyini yoxlamaqdır.