Türkiyə incəsənət tarixinin ən önəmli rəssamlarından biri, “Tısbağa Təlimçisi” adlı məşhur əsərin sahibi Osman Həmdi bəyin tablosu Parisdəki Drouot Hərrac Evində hərraca çıxarılıb.
Həmdi bəyin 1879-cu ilə aid “Bursa Ulu Məscidi Cəbhəsi” adlı tablosu hərracda 571 min 500 avroya satılıb. Rəsmin Türkiyədə mədən şirkətinin sahibi olan şəxs tərəfindən telefon danışığı ilə alındığı açıqlanıb.
Osman Həmdi bəyin 60×42 santimetr ölçüsündə yağlı boya ilə çəkdiyi rəsm əsəri rəssamın orijinal üslubunun ən mühüm nümunələrindən sayılır.
Mənbə: TrtHaber