Bugun.tv xəbər verir ki, Türkiyə Rumıniyaya gündəlik 4 milyon kubmetrə qədər təbii qaz ixrac edəcək.
Boru Kəmərləri və Neft Nəqliyyatı A.Ş. (BOTAŞ) tərəfindən edilən açıqlamada, Türkiyə Əsri vizyonuna uyğun olaraq müəyyən edilmiş hədəflərə doğru möhkəm addımlar atmağa davam etdikləri vurğulandı.
İxrac oktyabrın 1-dən başlayacaq. Açıqlamada BOTAŞ-ın qarşıdakı 3 ildə Türkiyənin ilk 10 ixracatçısı arasında yer almağı hədəflədiyi qeyd edilib. “BOTAŞ, bölgənin ən böyük enerji şirkətlərindən biri olan OMV Petrom ilə mühüm müqavilə imzalayıb. 2025-ci il martın 31-də gündə 4 milyon kubmetrə qədər təbii qazın tədarükünə icazə verəcək”, – bildirilib.
Mənbə: TRT Haber