Türkiyə prezidenti Rəcəb Tayyib Ərdoğan ukraynalı həmkarı Vladimir Zelenski ilə telefon danışığı zamanı bildirib ki, rəsmi Ankara Rusiya və Ukrayna arasında danışıqların təşviqi üçün vasitəçilik səyləri də daxil olmaqla dəstəyini davam etdirməyə hazırdır.
Bu barədə Bugün.tv TASS-a istinadən xəbər verir.
“Danışıqlar zamanı prezident Ərdoğan bildirib ki, Türkiyə Ukrayna və Rusiya arasında danışıqların davam etdirilməsinə kömək etmək üçün səylərini əsirgəməyib”, – Türkiyə Prezident Administrasiyası əlavə edib.
Daha əvvəl Rusiya prezidenti Vladimir Putinlə telefon danışığı zamanı Ərdoğan İstanbulda Rusiya, Ukrayna və BMT nümayəndələri arasında görüş təşkil etməyi təklif etmişdi. Aprelin sonunda o, həmçinin ölkəsinin BMT, Rusiya və Ukraynanın iştirak etdiyi təmas qrupunun işinə dəstək verməyə hazır olduğunu bildirib.
