Türkiyədə ağır yol-nəqliyyat hadisəsi var verib.
Bugun.tv xəbər verir ki, Ərzurum-Qars magistral yolunun Karakurt bölgəsində iki avtobusun və bir yük maşınının toqquşması nəticəsində iki nəfər həlak olub, səkkiz nəfər yaralanıb. Hadisə ilə bağlı bölgəyə çoxlu sayda təcili tibbi yardım briqadaları, jandarma və axtarış-xilasetmə qrupları cəlb edilib.
Qəza Ərzurum vilayətinin Horasan rayonu ilə Qarsın Sarıqamış rayonları arasında baş verib.
Qars valiliyindən verilən açıqlamada xəsarət alanların Sarıqamış xəstəxanasına çatdırıldığı bildirilir.
Qəzanın baş verdiyi ərazidə yağan qar səbəbindən yollar buz bağlayıb.