Bugun.tv xəbər verir ki, TRT Haber-in yaydığı məlumata görə, ABŞ kişi milli futbol komandası üçün 2026 Dünya Kuboku qrup mərhələsi əvvəl gözlənildiyi qədər asan görünmür.
Məlumata əsasən, ilkin püşkatmada Avstraliya, Paraqvay və Avropa pley-off qalibi ilə eyni qrupa düşən ABŞ üçün bu nəticə “ideal püşk” kimi qiymətləndirilirdi. Lakin Türkiyə milli futbol komandasının pley-off mərhələsini uğurla keçərək qrupa daxil olması vəziyyəti dəyişib.
İdman yazarı Henry Bushnell qeyd edib ki, ekspertlərin əvvəldən ehtiyat etdiyi ssenari reallaşıb və bu, ABŞ futbol ictimaiyyətində narahatlıq yaradıb.
Analizdə vurğulanır ki, əvvəlcə ABŞ üçün asan hesab edilən qrup, Türkiyə millisinin son dövrdəki uğurlu çıxışları və artan forması səbəbindən artıq daha çətin mərhələyə çevrilib. Bu səbəbdən ABŞ komandası üçün gözləntilər daha ehtiyatlı şəkildə qiymətləndirilir.
Bundan əlavə, TRT baş direktoru Mehmet Zahid Sobacı bildirib ki, 2026 FIFA World Cup 2026 oyunları TRT kanalları və “Tabii” platforması vasitəsilə yayımlanacaq.
Mənbə: TrtHaber