Türkiyənin 6 müxalifət partiyasının ittifaqı olan Millət Alyansı prezident seçkilərində namizədliyini irəli sürəcək siyasətçilərlə bağlı hələ də qərarsızdı.
Bugun.tv türk mediasına istinadən xəbər verir ki, partiyaları təmsil edən siyasətçilər martın 6-da məsələni müzakirə etmək üçün növbəti görüş keçirməyi planlaşdırırlar.
İYİ Partiya lideri Meral Akşener ölkənin əsas müxalifət qüvvəsi olan Cümhuriyyət Xalq Partiyasının lideri Kamal Kılıçdaroğlunun namizədliyinə qarşı çıxdığı üçün ortaq namizədlə bağlı qərar əldə olunmayıb.
Türkiyədə prezident və parlament seçkiləri iyunun 18-dən əvvəl keçirilməlidir.
Ərdoğan çərşənbə günü səsvermənin tətil, təhsil müəssisələrində imtahanlar və dini bayramlar mövsümünə qədər olması üçün mayın 14-də keçirilməsini planlaşdırdığını təsdiqləyib. Onun seçkilərin tarixini martın 10-da və ya 11-də rəsmən elan edəcəyi gözlənilir. Bunun parlament və ya prezidentin fərmanı ilə təsdiqlənməsi lazımdır.