İdman

UEFA “Yuventus”u avrokuboklardan kənarlaşdıra bilər

Məlumata görə, qurum komandanın maliyyə pozuntuları ilə bağlı işinin digər istiqaməti – maaş saxtakarlığı ilə bağlı məsələlərə görə Avropadakı yarışlardan kənarlaşdıra bilər. Belə pozuntuların baş verməsi faktı sübuta yetirilərsə, UEFA klubun yeni maliyyə göstəricilərini nəzərə alaraq vəziyyəti dəyərləndirəcək.

Qeyd edək ki, 2021-ci ildə “Yuventus” maliyyə feyr-pley qaydalarına əməl etmədiyinə görə 3,5 milyon avro cərimələnib. Yaxın 3 ildə “Yuventus”un digər maliyyə pozuntularına yol verdiyi sübut olunarsa, cərimənin məbləği 23 milyon avroya qədər artacaq. İtkilərin miqdarından asılı olaraq, “Qoca sinyora” bir mövsümdən çox avrokuboklardan uzaqlaşdırılmaqla da cəzalandırıla bilər.

Mümkün qadağa yalnız “Yuventus”un avrokuboklara vəsiqə qazanacağı təqdirdə tətbiq olunacaq. Əgər klub bu mövsüm A Seriyasını ilk 7-likdə bitirə bilməsə, cəza yalnız “Yuve” Avropa yarışlarına qayıdandan sonra qüvvəyə minəcək.

 

Nigar Məmmədova

Oxşar xəbərlər

Məryəm Kəlbizadə çempion oldu

Kəmalə Sultan

Nurməhəmmədov məşqçilik karyerasını davam etdirməsi ilə bağlı sualı cavablandırdı

Bugün TV

2024-cü il Olimpiadası üçün fəlakətli istilər proqnozlaşdırılır

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu