Bugun.tv xəbər verir ki, Ukrayna Baş Qərargahı Rusiyanın 20 raket hücumu təşkil etdiyini və 12 Kalibr tipli raketin vurulduğunu bildirib.
Açıqlamada, Rusiya qüvvələrinin də Ukraynaya 62 hava hücumu təşkil etdiyi, Rusiya ordusunun 4 Şahed tipli pilotsuz uçuş aparatından istifadə etdiyi və bunların hamısının qarşısının alındığı deyilib.
Rusiya hərbçiləri Ukrayna əsgərlərinin mövqelərini və yaşayış məntəqələrini çoxlüləli raket sistemlərindən 68 dəfə atəşə tutub, hücumlar nəticəsində ölən və yaralananlar olub, mülki infrastruktur obyektləri dağıdılıb.
Açıqlamaya görə, son 24 saat ərzində cəbhə xəttində Rusiya və Ukrayna hərbçiləri arasında 30-dan çox toqquşma baş verib.