Rusiya ordusunun Ukraynanın Sumı şəhərinə həyata keçirdiyi hava hücumunda 4 nəfərin öldüyü, 9 nəfərin yaralandığı açıqlanıb. Ukrayna Fövqəladə Hallar Xidmətinin (DSNS) Telegram hesabından verilən açıqlamada Rusiya ordusunun gecə saatlarında pilotsuz uçuş aparatları (PUA) ilə Ukraynanın Sumı şəhərinə hücum təşkil etdiyi bildirilib.
Açıqlamada hücumun şəhərdə 10 mərtəbəli yaşayış binasına edildiyi, hücum nəticəsində 4 nəfərin öldüyü, 9 nəfərin yaralandığı bildirilib.
Digər tərəfdən, Ukrayna prezidenti Vladimir Zelenski Telegram hesabında paylaşdığı açıqlamada Rusiyanın Sumiyə hücumuna reaksiya verib.
Hadisə yerində axtarış-xilasetmə işlərinin davam etdiyini qeyd edən Zelenski hücumu dəhşətli faciə kimi qiymətləndirib.
Zelenski mesajında ”Dünyanın bu terrora görə Rusiyaya təzyiq etməkdən çəkinməməsi çox vacibdir. Ukraynaya və ukraynalılara dəstək verən bütün liderlərə minnətdaram” deyib.
Mənbə: TrtHaber