Əslən Qubanın Nüqədi kəndindən olan Əmirşahov Vitali Maşallah oğlu və onun kiçik qardaşı Ramin Dnepr şəhərində doğulub, elə orada da yaşayırlar. Qardaşlar Ukrayna savaşında iştirak etdiklərinə görə Ukrayna Müdafiə Nazirliyi tərəfindən təltif olunublar. Vitali “Yüksək hörmət”, Ramin isə Ukrayna uğrunda döyüşlərdə yaralandığına görə medala layiq görülüblər.
Ramin artıq sağalaraq yenidən döyüşlərə qatılıb. Vitali isə ağır yaralıdır.
Bu barədə Bugun.tv-yə “Birlik” Odessa azərbaycanlıları diaspor təşkilatının sədr müavini Anar Natiqoğlu məlumat verib.
Xatırladaq ki, Vitali ötən ilin sentyabrında Prezident Zelenski tərəfindən ” Ukraynaya xidmətə görə” medalı ilə təltif edilmişdi.