Bugun.tv xəbər verir ki, Rusiyanın Ukraynaya həyata keçirdiyi son raket və pilotsuz uçuş aparatı hücumları nəticəsində azı 28 nəfər ölüb. Ən ağır itkilər ölkənin Çerniqov vilayətində yerləşən Prylukı şəhərində qeydə alınıb.
The Guardian-ın məlumatına görə, şəhərdə beşmərtəbəli yaşayış binasına raket zərbəsi endirilib. Hücum nəticəsində 20 nəfər, o cümlədən 5 uşaq həyatını itirib. Təxminən 55 nəfərin yaralandığı bildirilib.
Xilasedicilər dağıntılar altında axtarış işlərini davam etdirib. Hadisə yerindən 15 nəfərin sağ çıxarıldığı açıqlanıb.
Kiyevdə də itkilər var
Ukraynanın paytaxtı Kiyev yaxınlığında pilotsuz uçuş aparatının qalıqlarının düşməsi nəticəsində daha 2 nəfər həlak olub.
Ukrayna Prezidenti Volodimir Zelenski Prylukı şəhərinə endirilən zərbəni kəskin tənqid edib. Rusiya Müdafiə Nazirliyi isə hücumlar zamanı Odessaya doğru hərəkət edən və Ukrayna ordusu üçün yük daşıdığı bildirilən gəminin, eləcə də liman infrastrukturunun hədəf alındığını açıqlayıb.
Məlumata görə, Avropa İttifaqı da Rusiya ilə bağlı sanksiya siyahısına 1 646 yeni şəxs və qurumu əlavə edib.
Mənbə: The Guardian