Bugun.tv xəbər verir ki, Birləşmiş Millətlər Təşkilatının təhsil, elm və mədəniyyət qurumu olan UNESKO 18 ildir ki, Qlobal Təhsil Monitorinqi Hesabatını dərc edir. Bu il təhsillə bağlı dünya miqyasında qiymətləndirmə və tövsiyələrin yer aldığı hesabatda mobil telefon qadağasına xüsusi diqqət yetirilib.
UNESKO-nun hesabatına görə, mobil telefondan həddindən artıq istifadə təhsilin zəif olması ilə birbaşa bağlıdır. Smartfonlardan saatlarla istifadənin uşaqların emosional sabitliyinə mənfi təsir etdiyinə dair sübutlar var. Buna görə də, UNESKO məktəblərdə smartfonların qadağan edilməsini tövsiyə edir.
UNESKO-nun baş direktoru Odri Azulenin sözlərinə görə, rəqəmsal inqilab ölçüyəgəlməz potensiala malikdir, lakin onun cəmiyyətdə necə təşkil olunması ilə bağlı xəbərdarlıqlar səsləndirildiyi üçün təhsildə istifadə üsuluna da diqqət yetirilməlidir.