Bugun.tv xəbər verir ki, Birləşmiş Millətlər Təşkilatının (BMT) Uşaq Fondunun (UNICEF) sözçüsü Ceyms Elder, Qəzzada baş verənləri uşaqlara qarşı müharibə adlandırdıb. Qəzzanın hazırda azyaşlılar üçün uyğun olmadığını bildirib.
İsrailin bir müddətdir intensiv hücumlar həyata keçirdiyi və böyük dağıntılara səbəb olduğu Qəzzanın cənubundakı Rəfah şəhərində çalışan Elder bölgədəki son vəziyyət və şahidi olduqları ilə bağlı AA müxbirinə müsahibə verib.
7 oktyabr 2023-cü ildə baş verən hücumlardan sonra ikinci dəfə Qəzzaya səfər etdiyini ifadə edən Elder, “Çox ümidsizlik var. İnsanlar çox yorğun, çox insan ac. Hələ də böyük bir qorxu var. Rəfaha quru hücumlar gerçəkləşdirilə bilər”, – deyib. Qəzza zolağının cənubundakı Xan Yunis şəhərindəki Nasser xəstəxanasına getdiyini və oranın acınacaqlı vəziyyətdə olduğunu vurğulayıb.
“Xüsusilə yaralı uşaqlara xidmət edən çox kritik bir xəstəxana olan Nasir artıq xidmət göstərə bilmir. Daha iki xəstəxanaya baş çəkdim, xəstəxanalar çox məşğuldur”. BMT-nin sözçüsü açıqlamasından xəstəxana işçilərinin tibbi ləvazimat çatışmazlığından əziyyət çədiyini də bildirib.