“Urmiyada ciddi problemlərimiz var və böhran sərhəddinə çatmışıq. Urmiyanın su kvotası var və təcili şəkildə müəyyən edilməlidir”- İranın vitse-prezidenti və Ətraf Mühitin Mühafizəsi Təşkilatının sədri Əli Selaceqe bildirib.
“Jamaran” saytının xəbərinə görə, O, qeyd edib ki, ölkənin su təchizatının vəziyyəti ilə bağlı qırmızı işıq yandırılıb. Bir müddət öncə İranın Ətraf Mühitin Mühafizəsi Təşkilatının daha bir rəsmisi də deyib ki: “Urmiya gölünün su kvotası tam təmin olunmazsa, bu göl tədricən mövsümi bataqlığa çevriləcək”.
Urmiya gölünün qurudulması ilə bağlı xəbərdarlıq insan haqları və ekologiya təşkilatları ilə yanaşı Güney Azərbaycanın milli və vətəndaş cəmiyyəti fəalları tərəfindən də dəfələrlə səsləndirilib.
Mənbə: Azad İran