Son günlər bir sıra valideynlər məktəbəqədər və məktəb yaşlı uşaqlar arasında öskürək, qızdırma və halsızlıq kimi əlamətlərin artdığını müşahidə etdiklərini bildirirlər.
Etibarlı mənbələrdən Bugun.tv- yə daxil olan məlumatlara görə, bəzi poliklinikalara müraciətlərdə artım olduğu qeyd olunur.
Həkimlər mövsümlə bağlı tənəffüs yolu infeksiyalarının aktivləşməsinin normal hal olduğunu vurğulayır və valideynlərə uşaqları diqqətlə izləməyi tövsiyə edirlər.
Mütəxəssislər xüsusilə qızdırma, davamlı öskürək və nəfəs darlığı kimi əlamətlər yaranarsa, vaxtında tibbi yardım alınmasını məsləhət görürlər.
Hazırda rəsmi qurumlar tərəfindən hər hansı xüsusi virus yayılması ilə bağlı açıqlama verilməyib. Bununla belə, poliklinikalarda gündəlik müraciətlərin artması valideynləri daha diqqətli olmağa sövq edir.
Bugun.tv olaraq mövzu ilə bağlı aidiyyəti qurumların rəsmi açıqlamasını gözləyirik.