Bugun.tv xəbər verir ki, Ümumdünya Səhiyyə Təşkilatının Baş direktoru Tedros Adhanom Qebreyesus X Qlobal Bakı Forumu çərçivəsində “Yeni qlobal səhiyyə strukturunun qurulması: sağlamlığın təşviqi, təmin edilməsi, mühafizəsi, təşviqi və sağlamlığının gücləndirilməsi” mövzusunda keçirilən növbəti panel iclasının iştirakçılarına, dünya ölkələrinə müraciət edib.
O bildirib ki, dünya pandemiyadan xilas olduqdan sonra ölkələr Dayanıqlı İnkişaf Məqsədləri (SDG) üzrə irəliləyiş əldə etməlidirlər.
“Təşkilatımız səhiyyə sistemində beş prioritet təklif edir: təşviq, təminat, mühafizə, səlahiyyətləndirmə, həyata keçirmə. Biz bütün ölkələri bu təklifləri həyata keçirməyə çağırırıq”, – ÜST rəhbəri vurğulayıb.
Baş direktor xatırladıb ki, bu il ÜST təşkilatın yaradılmasının 75 illiyini qeyd edir. “Dünyanın həmrəyliyə hər zamankindən daha çox ehtiyacı var”- deyə O, yekunlaşdırıb.