Bugun.tv xəbər verir ki, “WhatsApp” istifadəçilərinin uzun müddətdir gözlədiyi QR kodlu mesajların daşınması funksiyasını tezliklə istifadəyə verəcək. Qeyd edək ki, bu funksiya yalnız eyni əməliyyat sisteminə malik telefonlar arasında olacaq. Məsələn, funksiya Android-dən iOS-a ehtiyat nüsxələri üçün mövcud olmayacaq. QR kodu daşıma funksiyasından istifadə etmək üçün ilk növbədə yeni telefonunuzda Whatsapp tətbiqinə daxil olmalısınız. Daha sonra köhnə telefonunuzda mesajların daşınması bölməsindən kameranı açmalı və yeni telefonunuzda QR kodunu skan etməlisiniz. Bu prosesdən sonra mesajlar avtomatik olaraq yeni telefonunuza köçürüləcək. QR kodu ilə mesaj daşıma funksiyasının nə vaxt istifadəyə veriləcəyi hələlik məlum deyil.
Mənbə: TRT Haber