Türkiyəli mütəxəssislər huşunu itirən xəstələrə, xüsusən də xəstəxananın reanimasiya şöbələrində müalicə olunanlara qohumunun əlindən tutmaq hissi verən əl formalı cihaz hazırlayıb.
“Terapevtik Toxunma” adlanan cihaz 1 ilə ərsəyə gəlib. O insan əlinin hissi ilə yanaşı, reanimasiyada müalicə alan xəstələrə müsbət təsir etmək üçün hazırlanıb və cihaza musiqi səsləri əlavə edilib. Xüsusi materialdan hazırlanan cihaz yatan xəstənin əlinə yerləşdirilir, əl vaxtaşırı sıxma refleksləri həyata keçirir.
İnsanlar, xüsusilə COVID-19 dövründə, yoluxma ehtimalı səbəbindən xəstələrini ziyarət edə bilmirdilər. Buna görə də, mütəxəssislər uzaqda olan yaxınlarını yanında hiss etmək üçün belə bir cihaz ərsəyə gətirilib.
O insan əli sıxmaq qabiliyyəti ilə yanaşı, ovucda istilik hissi yarada bilir. Tədqiqatçlar hazırda xəstələrin yaxınlarının və təbiət səslərini yeni texnologiyaya köçürməyi sınaqdan keçirirlər.
Yeni texnologiyanın reanimasiyadakı xəstələrin müalicəsinə musiqi və toxunma ilə töhfə verəcəyi bildirilir.
