Azərbaycanın görkəmli şairi Xurşudbanu Natəvanın doğum günü qeyd olunacaq. Tədbir Türkiyənin Ankara şəhərində gerçəkləşəcək.
Bu barədə Bugun.tv-yə “Azaflı” hüquq şirkətinin rəhbəri Arzuman Azaflı məlumat verib. Onun sözlərinə görə, Azərbaycan Diaspora Komitəsinin təşkilatçılığı ilə birgə həyata keçirdikləri tədbirdə X.Natəvanın həyat və yaradıcılığından geniş bəhs olunacaq. Şairin 190 illiyinə Azərbaycan və qardaş Türkiyənin dövlət qurumlarından, ictimai-siyasi xadimlərin, şair və yazıçıların qatılacağı gözlənilir.
Gecədə, həmçinin, Xurşudbanu Natəvan haqqında çəkilən sənədli film nümayiş etdiriləcək. Musiqili konsert proqramı olacaq.
- Şərhlər
- Facebook şərhləri