Bugun.tv xəbər verir ki, Rusiya Federasiyasında partlayış baş verib. Hadisə Dağıstan Muxtar Respublikasında olub. Yanğına səbəb yanacaqdoldurma məntəqəsindəki partlayış olub.
“TRT Haber”in məlumatına görə, Rusiya Federasiyasının Dağıstan Muxtar Respublikasında yanacaqdoldurma məntəqəsində baş vermiş partlayış nəticəsində həyatını itirənlərin sayı 27-yə yüksəlib. Dağıstan Muxtar Respublikasının prezidenti Sergey Melikov bəyan edib ki, ötən gecə Mahaçqalada yanacaqdoldurma məntəqəsində baş vermiş partlayış nəticəsində xəsarət alanların müalicəsi davam edir.
Məlikov qeyd edib ki, partlayış nəticəsində ölənlərin sayı 27-yə, yaralıların sayı isə 102-yə çatıb. Dağıstan İstintaq Komitəsi də hadisə ilə bağlı araşdırmalara başlanıldığını açıqlayıb.
Müxbir: İntizar Əmirova