Bugun.tv TASS agentliyinə istinadən xəbər verir ki, Ukrayna Silahlı Qüvvələrinin yandırıcı mərmilərlə atəşə tutulması nəticəsində Aleşki yaxınlığında meşə yanğını baş verib.
Qəsəbənin hərbi-mülki administrasiyası rəhbərinin birinci müavini Viktor Sirotanın sözlərinə görə, yanğınsöndürənlər alovun yayılmasının qarşısını almaq üçün səfərbər olublar.
“Meşələr yanır. Yanğınsöndürənlərimiz alovun yayılmasının qarşısını almaq üçün səylə çalışırlar. Amma hava şəraiti və sistemli atəşlər, o cümlədən yandırıcı mərmilər işin yekunlaşmasına imkan vermir”, – deyə o bildirib.