Bugun.tv xəbər verir ki, Yaponiya İranı İsrail və Fələstin arasındakı münaqişələrin sakitləşdirilməsində “rol almağa” çağırıb. Yaponiya Xarici İşlər Nazirliyinin bəyanatına görə, nazir Kamikava Yoko İranın xarici işlər naziri Hüseyn Əmir Abdullahiyan ilə telefon danışığı aparıb.
“TRT Haber”in məlumatına görə, Kamikava iranlı həmkarına Qəzzadakı vəziyyəti dərin narahatlıqla yaxından izlədiyini bildirib. Yaponiyalı nazir İranı münaqişələrin sakitləşdirilməsində “rol almağa” çağırıb.
Kamikava və Abdullahiyan Qəzzaya humanitar yardımın çatdırılmasında beynəlxalq ictimaiyyətin bir araya gəlməsinin vacibliyini vurğuladılar.
Müxbir: İntizar Əmirova