Ukrayna-Rusiya müharibəsinə görə G7 ölkələrinin Rusiyaya qarşı tətbiq etdiyi sanksiyalara uyğun olaraq Yaponiya avtomobillərin ixracına qoyulan qadağanın müddətini uzadıb.
Bugun.tv xəbər verir ki, bu barədə Kyodo News məlumat yayıb.
Sənədə əsasən, yeni və işlənmiş benzin və dizel, mühərrik silindrləri, tutumu 1900 kub santimetrə qədər olan avtomobillərin, həmçinin elektrik və hibrid nəqliyyat vasitələirinin Rusiyaya ixracı qadağan olunub.
Yaponiyanın İqtisadiyyat, Ticarət və Sənaye naziri Nişimura Yasutoşi sanksiyaları beynəlxalq ictimaiyyətlə əməkdaşlıq çərçivəsində qətiyyətlə həyata keçirəcəklərini bəyan edib.
Yaponiyanın Rusiyaya ixracı 2022-ci ildə əvvəlki ilə nisbətən yüzdə 30 azalaraq, təxminən 4,3 milyard dollara enib.
Xatırladaq ki, 2022-ci ilin mayında Yaponiya Rusiyaya 43 min dollardan çox dəyəri olan avtomobillərin ixracını qadağan etdi.