Yaponiyanın Xirosima prefekturasının Etajima şəhərində meşəlik ərazidə yanğın baş verib. Bölgəyə yaxın bir qocalar evində qalan 150 nəfər təhlükəsizlik səbəbilə təxliyə edilərkən, alova müdaxilə davam edir.
Dünya ABŞ-ın Kaliforniya ştatında davam edən meşə yanğınlarından danışarkən, bu dəfə Yaponiyada yanğın panikası yaşanıb. Yerli hakimiyyət orqanlarından əldə edilən məlumata görə, yerli vaxtla saat 09.40 radələrində Xirosima prefekturasının Etajima şəhərində meşə sahəsində yanğın baş verib. Qurumun Yaponiya Özünümüdafiə Qüvvələrinə (SDF) aid atış poliqonunun sərhədləri daxilində olduğu bildirilib və yanğın zamanı partlayıcı təlimlərin keçirildiyi açıqlanıb.
Yaşayış məntəqələrinə yaxın ərazidə baş verən yanğın narahatlıq yaradıb. Bölgəyə yaxın bir qocalar evində qalan 150 nəfərin təhlükəsizlik səbəbiylə təxliyyə edildiyi, ilkin təsbitlərə görə can itkisi və yaralanmanın olmadığı bildirilib. Çox sayda yanğınsöndürmə qrupunun alovlara müdaxiləsinin davam etdiyi bildirilib.
Polis yanğının sahədəki hərbi təlimlə bağlı olub-olmadığını müəyyən etmək və onun dəqiq səbəbini müəyyən etmək üçün araşdırma başlandığını açıqlayıb.
Mənbə: HaberGlobal