Məşhur bir deyimimiz var: “İlanın zəhləsi yarpızdan gedər, o da gəlib yuvasının ağzında bitər”.
“Əslində bu deyim zaman keçdikcə təhrif olunub. Deyimdəki söz “yarpız” yox, “yarbuz” olmalıdır. Buradakı “bitmək” sözü isə “durmaq, dayanmaq” mənasındadır”.
Bugun.tv xəbər verir ki, bu fikri AMEA-nın Folklor İnstitutunun aparıcı elmi işçisi Elyar İslamoğlu bildirib.
Bəs, yarbuz nə deməkdir?
“Yarbuz səhrada yaşayan yırtıcı bir heyvan növüdür, onun digər adı manqustdur. Yarbuzlar əsasən ilanlarla qidalanır. Onları ovlamaq üçün yuvasının ağzında pusquda durur, ilan yuvadan çıxan kimi onu ovlayır”,- E.İslamoğlu qeyd edib.