Səhər saatlarında Çitanın Borovaya küçəsindəki beşmərtəbəli yaşayış binasında məişət qazı partlayıb. Hadisə yerinə Fövqəladə Hallar Nazirliyinin əməkdaşları cəlb olunub. Bildirilir ki, yaşayış binasından 8 nəfər xilas edilib.
Bugun.tv TASS-a istinadən xəbər verir ki, bu barədə Rusiya Fövqəladə Hallar Nazirliyinin mətbuat xidməti xəbər yayıb.
Nazirlik zərərçəkənlər barədə məlumatın olmadığını bildirib. Rusiya Daxili İşlər Nazirliyinin Zabaykalsk vilayəti üzrə şöbəsi daha əvvəl bildirmişdi ki, ilkin məlumata görə, bir nəfər yaralanıb.