Türkiyə Yazıçılar Birliyinin Ankara Şöbəsi və Azaflı Sosial Yardım və Kültür Dərnəyinin birgə təşkilatçılığı ilə “Türk Dünyası Ədəbiyyatı – Azərbaycan Ədəbiyyatı” günü keçirilib.
Bugün.tv xəbər verir ki, tədbirdə Kərkük Dr. Şəmsəddin Kuzeci, Vəkil Arzuman Azaflı, Dr. Derya Akdemir, Dr. Körpə Şahid, Dr. Barış Cavid, şairlər Zeynep Naxçıvanlı, Çiçək Hesenova, Ankara Musiqi və Gözəl Sənətlər Lisansüstü Tələbəsi Afaq Xəqaniqızı və Azaflı Sosial Yardım və Mədəniyyət Dərnəyinin üzvü, “Səda” Musiqi Kursunun müdiri Aytən Rəhimova çıxış ediblər.
Proqram çərçivəsində Türk Dünyası Ədəbiyyatı – Azərbaycan Ədəbiyyatı və Aşıq sənətindən danışılıb.
Tədbirdə “Azaflı Sosial Yardım və Kültür Dərnəyi”nin və “Türk Dünyası Kültür Evi”nin rəhbəri Arzuman Azaflı və Emis Mikayıl Zeynalov Azaflı “Qoca qartal” poemasının yazılma tarixindən danışıb. Arzuman Azaflı türk dünyası tarixində saz və qopuzun müqəddəsliyindən, ona verilən qiymətdən danışıb.
Tədbir Afaq Xaqanqızının “Ayrılıq” adlı Saz performansı ilə başa çatıb.