Londonda Böyük Britaniya Kraliçası II Elizabetin taxtda olmasının 70 illiyi şərəfinə təntənəli parad baş tutdu.
Bu gün TV xarici mətbuata istinadən xəbər verir ki, tədbirdə kral silahlı qüvvələrinin müxtəlif bölmələrindən 1500-dən çox hərbçisi və 400 musiqiçi iştirak etdi. Kraliça II Elizabetin Platin Yubileyini qeyd etmək üçün Böyük Britaniya və Birlik ölkələrində minlərlə mayak da yandırıldı. O, cümə axşamı axşam mayakın işıqlandırılması mərasimində iştirak edib.
Azərbaycan Respublikasının Prezidenti İlham Əliyev Böyük Britaniya və Şimali İrlandiyanın Kraliçası Ülyahəzrət II Elizabetə Platin Yubileyi – taxtda olmağının 70 illiyi ilə əlaqədar təbrik məktubu ünvanlayıb.