“Bu gün müasir, müstəqil və güclü Azərbaycanın formalaşmasında müstəsna xidmətləri olan Yeni Azərbaycan Partiyasının təsis edilməsinin 33-cü ildönümünü qürurla qeyd edirik” – deyə millət vəkili Ceyhun Məmmədov öz sosial media hesabında paylaşım edib.
Deputat vurğulayıb ki, 1992-ci ildə Ulu Öndər Heydər Əliyevin müdrik rəhbərliyi və uzaqgörən siyasəti ilə əsası qoyulan bu Partiya, ölkəmizin dövlətçiliyinin möhkəmlənməsində, iqtisadiyyatın inkişafında və cəmiyyətin sabitliyinin təmin olunmasında əvəzsiz rol oynamışdır.
Bu gün isə Cənab Prezident İlham Əliyevin rəhbərliyi ilə Yeni Azərbaycan Partiyası yeni dövrün çağırışlarına cavab verən, müasir dövlət idarəçiliyinin simvoluna çevrilmişdir. Azərbaycanın hər bir uğuru, hər bir nailiyyəti bu Partiyanın ideyaları və məqsədləri ilə səsləşir.
Yeni Azərbaycan Partiyası — dayanıqlı inkişafın, milli birliyin və müstəqil dövlətçiliyin təməlidir.