Bugun.tv xəbər verir ki, Nevşehirin Ürgüp mahalının Ortahisar qəsəbəsindəki oteldə bal ayı keçirən cütlük ölü tapılıb. Əldə edilən məlumata görə, onlar həftəsonu məkana gəliblər. Cütlükdən xəbər ala bilməyən xidmətçilər otaq telefonuna zəng ediblər. Cavab verən olmadığını görən otel işçiləri şübhələniblər. Qapını açanda onları hərəkətsiz vəziyyətdə görüblər.
Dərhal bu barədə təcili yardıma məlumat veriblər. Hadisə yerinə polis və həkim briqadası gəlib. Onlar yeni evlənən cütlüyün həyatını itirdiyini müəyyən ediblər.
Meyitlər müayinə üçün Ürgüp Dövlət Xəstəxanasının morquna aparılıb.
Otel sahibi isə polis tərəfindən nəzarətə götürülüb.
Faktla bağlı araşdırma aparılır.
Mənbə: NTV