Alimlər 50 ildən sonra insan qan qrupu sistemində yeni bir üzvi müəyyən ediblər ki, bu da tibb elmində mühüm irəliləyiş hesab olunur. Araşdırma nəticəsində tapılan yeni qan qrupu “MAL qan qrupu” adlandırılıb və bu kəşf anWj antigeni ilə bağlı uzun illər davam edən anlaşılmazlığı aradan qaldırıb.
1972-ci ildə həkimlər bir hamilə qadının qanında digər insanlarda geniş yayılan səth molekulunun olmadığını müşahidə ediblər. Bu molekul daha sonrakı illərdə “anWj antigeni” kimi adlandırılıb və bu antigenin necə meydana gəldiyi uzun müddət məlum deyildi. Lakin 2024-cü ildə Böyük Britaniyanın NHS Blood and Transplant və Bristol Universiteti tədqiqatçıları antigenin yaradılmasında əsas rol oynayan MAL genini müəyyən edib və bununla yeni qan qrupu sistemini təsdiqləyiblər.
Bu kəşf tibbi praktikalarda çox faydalı ola bilər, çünki nadir qan növlərini daha dəqiq tanımağa və uyğun donor tapmağı asanlaşdırır. Xüsusilə anWj antigeni olmayan insanların qan köçürmə zamanı potensial immun reaksiyalar riskini azaltmaq üçün bu sistemin tanınması vacibdir. Yeni qan qrupu sisteminin müəyyənləşdirilməsi həmçinin gələcəkdə daha təhlükəsiz və effektiv qan transfüziyası prosedurlarına töhfə verə bilər.
Mənbə: ScienceNews