Bugun.tv xəbər verir ki, dünyada ənənəvi kirəmit və metal dam örtüklərinə alternativ olaraq “yaşıl dam” adlanan yeni sistemlərə maraq sürətlə artır. Mütəxəssislər bildirirlər ki, bitki örtüyü ilə örtülən bu damlar binaların enerji səmərəliliyini artıraraq yayda sərin, qışda isə isti qalmasına kömək edir.
“Yaşıl dam” sistemi xüsusi izolyasiya qatları, drenaj sistemi və bitkilərin yetişdirilməsi üçün nəzərdə tutulan torpaq qatından ibarətdir. Nəticədə binanın dam hissəsi kiçik bir bağa çevrilir.
Mütəxəssislərin sözlərinə görə, bu texnologiya yay aylarında günəş şüalarının təsirini azaldır, qışda isə istilik itkisini minimuma endirir. Bununla yanaşı, küçə səs-küyünü azaltmağa, yağış sularının toplanmasına və şəhərlərdə istilik adası effektinin zəifləməsinə də kömək edir.
Ekspertlər qeyd edirlər ki, yaşıl damların quraşdırılmasından əvvəl binanın əlavə yükü daşımaq imkanları qiymətləndirilməli, su izolyasiyası isə yüksək keyfiyyətlə həyata keçirilməlidir.
Mütəxəssislər hesab edirlər ki, enerji xərclərinin artdığı dövrdə yaşıl damlar həm ekoloji, həm də iqtisadi baxımdan perspektivli həllərdən biri hesab olunur.
Mənbə: Ensonhaber