İndoneziyanın şərqindəki Papua əyalətində dağıdıcı zəlzələ baş verib. Zəlzələnin 6,5 bal gücündə olduğu bildirilir.
ABŞ Geoloji Xidmətinin (USGS) məlumatına görə, yerli vaxtla saat 14:48-də Abepura bölgəsindən təxminən 200 kilometr qərbdə 6,5 bal gücündə zəlzələ qeydə alınıb.
Zəlzələ 70,1 kilometr dərinlikdə baş verib.
Zəlzələ nəticəsində tələfat və dağıntılar barədə hələlik heç bir açıqlama verilməyib.
ABŞ-da yerləşən Sakit Okean Sunami Xəbərdarlığı Mərkəzi zəlzələdən sonra sunami xəbərdarlığının verilmədiyini bildirib.
Mənbə: Tgrthaber