Hidrometeorologiya Xidmətindən verilən məlumata görə, 08-i səhər saatlarından başlayaraq Bakı və Abşeron yarımadasında hava şəraitinin yağıntılı olacağı, sulu qar, axşama doğru isə qar yağacağı gözlənilir. Arabir güclənən şimal-qərb küləyi günün ikinci yarısında şimal-şərq küləyi ilə əvəz olunacaq. Havanın temperaturu gecə və gündüz 0°-yə yaxın. Atmosfer təzyiqi 761 mm civə sütunundan 768 mm civə sütununa yüksələcək. Nisbi rütubət 70-80 % olacaq.
Bölgələrmizin bəzi yerlərində də sulu qar, qar yağacağı gözlənilir. Ayrı-ayrı yerlərdə intensiv olacağı ehtimalı var. Bəzi yerlərdə duman olacaq. Şərq küləyi arabir güclənəcək. Rayonlarda havanın temperaturu gecə və gündüz 2° şaxtadan 3°-dək isti, dağlarda gecə 8-13°, gündüz 0-5° şaxta olacaq. Yolar buz bağlayacaq.