Bugun.tv xəbər verir ki, rozetkada qalan skuter evin içində yanğına səbəb olub.
Buna görə də İngiltərə yanğınsöndürmə briqadası partlayan görüntünü paylaşaraq xəbərdarlıq edib.
Səlahiyyətlilər bildiriblər ki, cihazları enerji doldurarkən, evdən və ya iş yerindən çıxarkən nəzarətsiz qoymaq olmaz.
Litium batareyalı cihazların xüsusilə yanan zaman zəhərli qazlar buraxdığını və çox tez alov aldığını bildirən İngiltərə yanğınsöndürmə idarəsi, “Videodan göründüyü kimi, bir batareya termal sızıntı törətdiyi zaman yanğın çox tez baş verə bilər. Termal qaçış batareyanın məhvinə və şiddətli yanğına səbəb ola bilər”- deyib.
Səlahiyyətlilər 2023-cü ildə təkcə Londonda 48 elektrikli velosiped və 12 elektrikli skuter yanğını baş verdiyini bildirib.
Qurğuların akkumulyatorlarının isti olanda doldurulmaması lazım olduğunu vurğulayan səlahiyyətlilər, “Şarj edərkən həmişə istehsalçının göstərişlərinə əməl edin, cihazları nəzarətsiz və ya insanlar yatarkən elektrikə taxılı qoymamağınızı tövsiyə edirik” deyə vurğulayıb.
Mənbə: EnSonHaber