Bugun.tv xəbər verir ki, İsrail qüvvələrinin himayəsində olan bir qrup fanatik yəhudi məskunlaşmaçı 13 gün sonra işğal altındakı Şərqi Qüdsdəki Əl-Əqsa məscidinə basqın edib.
Mövzu ilə bağlı İslam Vəqfləri İdarəsindən yazılı açıqlama verilib.
Açıqlamada bir qrup yəhudi köçkünün Məscidül-Əqsanın şərq hissəsindəki Rəhmət Qapısı Məscidinə basqın etdiyi bildirilib.
Qeyd olunub ki, İsrail polisi xüsusilə də Məscid-i Əqsaya qarşı pozuntular və hücumlar edir.
Xatırladaq ki, Yəhudi köçkünlər sonuncu dəfə aprelin 10-da Məscidül-Əqsaya basqın ediblər.
Mənbə: TRT