Fransanın “Marsel” klubu “Zenit”in hücumçusu Klaudinyonu heyətinə qatmaqda maraqlıdır. 26 yaşlı braziliyalı futbolçu komandanın prezidenti Pablo Lonqoriyanın diqqət mərkəzindədir.
Bugun.tv xəbər verir ki, bu barədə “Foot221” məlumat yayıb.
Qeyd edək ki, daha əvvəl mətbuatda “Marsel”in “CSKA”nın hücumçusu Fedor Çalovu transfer etməkdə maraqlı olduğu barədə bildirilmişdi. Lakin komandanın idman direktoru Xavyer Ribalta bu məlumatı təkzib edib.
Qeyd edək ki, 26 yaşlı Klaudinyo Rusiyada iki mövsüm keçirib və bu müddət ərzində üç kubok qazanıb. Ötən mövsüm braziliyalı 30 matçda 5 qol vurub, 12 məhsuldar ötürmə edib.