Bugun.tv xəbər verir ki, Hatay mərkəzli 6 vilayətdə həyata keçirilən əməliyyatda telefonla özlərini bank işçisi kimi təqdim edərək fırıldaqçılıq etdikləri iddia edilən 44 şübhəli saxlanılıb. Hatay Respublika Prokurorluğunun koordinasiyasında zəng etdikləri şəxslərə özlərini bank məmuru kimi təqdim edərək dələduzluq edən şübhəlilər barəsində istintaq başladılıb.
TRT Haber-in məlumatına görə, İl Təhlükəsizlik Müdirliyi Asayiş Şöbəsi Fırıldaqçılıq Büro Komandirliyi qruplarının texniki və fiziki təqibi nəticəsində 74 şübhəlinin şəxsiyyəti təyin olundu. Hatay, İstanbul, İzmir, Mersin, Ankara və Antalyada göstərilən ünvanlarda eyni vaxtda həyata keçirilən əməliyyatda 44 şübhəli yaxalanıb. Polis bölməsində əməliyyatları tamamlanan şübhəlilərdən 10-u ədliyyəyə sövq edilib. Növbətçi hakimliyə gətirilən şübhəlilərdən 5-i həbs edilib, 5-i isə məhkəmə nəzarəti şərti ilə sərbəst buraxılıb.