Polşa prezidenti Anjey Duda ABŞ-dan ölkəsində nüvə silahı yerləşdirməyi tələb edib.
Polşa prezidenti Anjey Duda, Rusiyanı mümkün hücumdan çəkindirmək üçün ABŞ-ın ölkəsində nüvə silahı yerləşdirməsini istədiyini və bu istəyini bir neçə həftə əvvəl Varşavaya səfər edən ABŞ-ın Ukrayna və Rusiya üzrə xüsusi nümayəndəsi Keyt Kelloqa çatdırdığını bildirib.
1999-cu ildə NATO sərhədlərinin şərqə doğru genişləndiyini xatırladan Duda, “Ona görə də 26 ildən sonra NATO-nun infrastrukturu da şərqə doğru dəyişməlidir. Bu mənə aydındır. Düşünürəm ki, bu silahlar artıq burada olsaydı, daha təhlükəsiz olardı”.
Rusiyanın 2023-cü ildə nüvə başlıqlarını Belarusda yerləşdirdiyini bildirən Polşa prezidenti Duda Rusiyanın bu mövzuda bir an belə tərəddüd etmədiyini və heç kimdən razılıq almadığını qeyd edib.
Duda 2022-ci ildə ABŞ prezidenti Co Bayden administrasiyasına oxşar təkliflə çıxış edib, lakin bu təklif ABŞ tərəfindən qəbul edilməyib.
Mənbə: İlkha