“Azərbaycanda insan alveri qurbanlarının reablitasiyası məqsədilə vətəndaş cəmiyyəti institutıarının yaratdığı sığınaacaqlarda vəzziyyət o qədər yaxşı deyil. Kiçik, darısqal otaqlara onlarla insan alveri qurbanının sığınması ciddi problemlər yaradır”.
Bugun.tv xəbər verir ki, bu fikirləri Milli Məclisin deputatı Razi Nurullayev səsləndirib. Millət vəkili deyib ki, ona görə də bu fəaliyyətlə məşğul olan vətəndaş cəmiyyəti institutlarına əlavə vəsaitlər ayrılmalıdır:
“Düzdür, bu kifayət qədər böyük vəsaitdir. Ancaq hesab edirəm ki, bu istiqamətdə müəyyən addımlar atmaq olar”.
Razi Nurullayev onu da deyib ki, DİN-in tabeliyində olan insan alveri qurbanlarının sığınacaq mərkəzində isə şərait kifayət qədər yaxşıdır və mərkəz hər bir şəraitlə təmin olunub:
“Biz özümüz həmin mərkəzlə tanışlıq zamanı bunu aydın şəkildə görmüşük”.